ريفيو عن رواية أرض السافلين – أحمد خالد مصطفي

دوس عـ " اللايك " عشان الرواية تتحمل بشكل مباشر
رواية أرض السافلين للكاتب المصري الشاب أحمد خالد مصطفي هي من الأكثر الروايات رواجاً في الفتره الأخيره بسبب انها تتحدث عن موضوع مهم للغايه و هو الإنترنت السفلي 
لهذا قمنا بإنشاء ” ريفيو ” للرواية علي شكل فيديو و لكن الفيديو لم يجهز بعض فنلقلنا لكم محتواه ” نصي ” و سيتم نشر الفيديو فور صدوره 
الريفيو من ” أحمد سمير حسن ” 

” هي الأرض التي تخون فيها زوجتك و تبيع فيها دولتك و تكفر فيها بربك .. ولا تبالي .. فكل قانون على هذه الأرض سقط .. و كل قناع على هذا الوجه انكسر .. ولم تعد فيها إلا سافلا .. تسير مع السافلين .. ولا تبالي .
أزيكم أنا أحمد سمير حسن و دي الحلقة الاولى من برنامج ريفيو برعاية موقع المكتبة – أعرف القصة قبل ما تحمل 
النهارده هنتكلم عن رواية أرض السافلين للكاتب أحمد خالد مصطفي 
مش هنحرق أي أحداث عشان اللي لسه مقراش الرواية 
ولو انت لسه مقرأتهاش و عايز تقراها، لينك تحميلها pdf موجود في وصف الفيديو من موقع المكتبة 
في البداية ده العمل التاني للكاتب احمد خالد مصطفي بعد روايتة ” إنتخريستوس ” اللي حققت نجاح كبير جداً 
إحنا دلوقتي هنتكلم عن رواية أرض السافلين و هنتكلم عن جزء جزء فيها 
أولاً الدعاية و التسويق 
كالعاده أحمد خالد مصطفي مُبهر جداً في تسويق أعماله فهو بينشر مقتطفات من الرواية و لكن بشكل مميز شوية، هو مش بيعمل زي اي كاتب و يشوف حزء حلو في روايتة و ينشره لا أحمد خالد مصطفي بيتعب شوية في موضوع الدعايه ده، يعني مثلاً في الدعاية لرواية أرض السافلين أحمد خالد مصطفي أبتكر شخصية خياليه و عمل ليها موقع كامل و هنحكي اكتر عن الموقع لما نيجي لفكرة الرواية و طريقة السرد 
لكن تقيم الدعاية اللي اتعملت للعمل فا في الحقيقه انا مشفتش حد بيعمل دعاية لأعماله افضل من أحمد خالد مصطفي
عشان كده هياخد العلامة الكامله في الدعايه 5 من 5 
تاني حاجه هنتكلم عنها هي الفكره و طريقة السرد 
خلينا نكون متفقين ان طرق الكتابة 2
يأما الراوي العليم اللي هو شخص بيحكي ليك حكاية هو عارف كل احداثها و عارف اللي هيحصل و لكن بيخليك انت متشوق و مبيحرقش أحداث اكيد أبرز مثال علي ده رواية البؤساء للكاتب فيكتور هوجو 
الطريقة التانيه بقي هي ” الأنا ” 
في الطريقة دي انت بتشوف بعين بطل الرواية و مش بتعرف اي حاجه عن احداث الرواية غير اللي قدام بطل الرواية و اللي البطل نفسه بيشوفها مش الكاتب و ابرز مثال علي الطريقه دي هي رواية ” الفيل الازرق ” 
لكن احمد خالد مصطفي بيتخدم الطريقه التانيه ” الأنا ” لكن بشكل مميز بأنه بيكلم القارئ مباشرة، هو مش بيعمل حاجه، غير انه بيكلم القارئ و بيحكيله أحداث بشكل مباشر، مش زي الروايات العاديه، أحمد خالد مصطفي لتاني مره بيستخدم نفس الأسلوب اللي فيه جزء من الرعب النفسي اللي هو محترف فيه جداً 
دي طريقة السرد و الكتابة
فكره الرواية بقي بتتكلم عن الديب ويب او الانترنت المظلم 
الفكره اللي محدش اتكلم عنها تقريباً غير دكتور ” أحمد خالد توفيق ” في سلسلة www و مكانتش بشكل واضح كان بيتكلم عليها من بعيد بس، لكن هنا أحمد خالد مصطفي كان شجاع جداً أنه بيحكي من جوا الديب ويب نفسه! 
المكان اللي ممكن تتاجر فيه بأي البني ادمين لو عايز 
غير المخدرات و الأسلحه طبعاً
أحمد خالد مصطفي خرج بأحداث الرواية و للنت كمان و عمل موقع بشخصيه خياليه من أبطال الرواية و بيشرح فيه ازاي تدخل علي الديب ويب و تستخدمه و لكن مش بيضمنلك أنك هتخرج منه سليم.
هي دي بشكل مختصر و مبسط جداً فكرة الرواية مش هقدر احكي اكتر من كده عشان محرقش في الاحداث 
وتقيم الفكره و طريقة السرد هو 
4 و نص من 5 
أخر فقره هي عن الكاتب أحمد خالد مصطفي نفسه 
أحمد خالد مصطفي هو كاتب و صيدلي مصري من مواليد القاهره 1984 قدر انه يعمل اسم لنفسه في اخر 5 سنين من خلال نشر روايتين ورقتين بس و هم انتخريستوس و ارض السافلين و ده يرجع طبعاً لقدره الهايله جداً علي التسويق لأعماله و الكتابة بشكل مشوف يجذب القارئ 
بكده تكون الحلقة أنتهت متنساش تزورنا علي موقع المكتبة أعرف القصة قبل ما تحمل 
وتعمل لايك للفيديو لو عجبك و تععمل سابسكرايب للقناه عشان تشوف كل الفيدوهات و الريفيوهات الجديده “

تحميل رواية أرض السافلين pdf - أحمد حالد مصطفى، تحميل رواية أرض السافلين، رواية ارض السافلين ل احمد خالد مصطفى، تحميل رواية أحمد خالد مصطفى الجديده، أرض السافلين pdf ، تحميل رواية ارض السافلين، رواية أرض السافلين للتحميل
ريفيو عن رواية أرض السافلين – أحمد خالد مصطفي

أخيراً لتحميل الرواية : أضغط هنا 

هذا المقال تم نقله من موقع المكتبة إعرف القصة قبل ما تحمل : http://www.al-maktba.com
دوس عـ " اللايك " عشان الرواية تتحمل بشكل مباشر

اترك تعليقاً

لن يتم نشر عنوان بريدك الإلكتروني.